星期四做咗個abschluss嘅考試，呢個星期一直都好擔心。好耐冇考試啦，一啲把握都冇。做完冇咩好feel~~不過今日去攞咗成績，都OK嘅~~200分嘅試卷，我考咗170！！好開心呀...

今晚有音樂會，有幾個朋友去聽。自己覺得麻麻哋，不過佢哋都話OK~~結束咗之後仲飲咗啲香檳添！！返黎嘅時候，出面落咗好大嘅雪~~~好靚！！好有聖誕嘅氣氛~~~不過返到宿舍發現，樓下搞緊party~~好噪呀！！！今晚唔知有冇得瞓?!

呢幾日一直學緊啲grammatik，有啲係以前學過嘅，所以都覺得ok。有時真係覺得啲歐洲人好蠢，好簡單嘅嘢佢哋死都唔明~~~

上個星期六同班上嘅同學去咗IKEA買嘢，買咗啲碗碟同埋duschvorhang，見到有賣仙人球嘅，一時衝動就買咗盆返黎，2.99euro，其實都幾貴嘅！返黎同媽咪講，俾佢話咗一餐......

今朝早發夢，竟然夢到返去北京。不過都幾得人驚嘅，竟然係坐錯咗機，最後將自己吓醒咗。而今日亦係呢排起得最早嘅。可能係搬到呢度，去學校行路10分鐘就到，日日都等到8點幾9點至醒。今日7點半就醒咗。不過都係遲到咗5分鐘，一直係屋入邊搞呢樣搞嗰樣。一入去就攞到張test，之前都冇講過。一啲準備都冇就測試，自己覺得做得好差，好多都係估下估下噉~~唔知能夠攞到幾多分......

下晝返黎煮咗啲面。星期六去火車站嗰度個中國超市買嘅，勁貴。食面嘅時候同屋企傾視像。老豆搵人將屋企部電腦執咗，幫佢搞埋啲手尾，搞咗個來鐘，跟著畀佢哋聽咗兩首曲。傾完就去街買啲食嘅嘢，屋企咩都冇晒~~~

買完嘢返黎都5點左右啦，抄咗陣單詞。唔知點解今晚一啲mood都冇，功課都唔想寫~~都唔知聽朝點算！！！聽日就開第六課啦~~~下個星期就要結業考試，真係好擔心，如果過唔到真係冇面見人~~~~

自從上次又睇咗twilight之後，深深哋畀啲音樂吸引咗~~繼而畀個故事吸引咗~~呢排成日都要聽"leave out all the rest"同埋"Flightless bird American Mouth"好多次，聽完就鬼噉激動~~仲有"Bella's Lullaby"，真嘅好好聽，我仲係網上搵到份譜，一定要將佢練好！！呢排一聽到twilight或者new moon就鬼死噉激動，都唔知點收科......上幾個星期聽同學話去睇咗new moon，而且係英文嘅，真嘅好想去，雖然我嘅英文已經唔記得七七八八啦~~但係都好想睇，而且係去電影院睇喎。不過飛好貴，8euro一張，唔捨得~~~後尾係車站嘅書店度又睇到twiling嘅德文版精裝DVD，要15euro；new moon嘅德文版小說，要10euro；仲有new moon嘅2010年kalender，要12euro多。真嘅好想好想買晒，但係而家仲唔得。要慳番啲錢~~~~而家真嘅好想變成vampire，今晚突發奇想，呢度都係成日落雨喎，好似呢排啦，兩個星期可能就有一兩日左右見到太陽啫，唔知呢度會唔會都有vampire哩??????痴心妄想一下~~~聽日仲要繼續努力！！聽日晏晝仲要合伴奏添~~呢兩個星期都冇咩練琴就去上課，畀着北京嘅老師，殺咗我都有份......加油~~~~

已經係dusseldorf上咗一個星期德文啦。覺得個語言班都算幾好嘅，雖然貴咗啲，不過係個度讀完，跟著pass咗個abschluss嘅考試就得，學校就認呢個成績，唔使另外去搵地方考試。

係班上識咗兩個中國人，一個係北京嘅，一個係寶雞嘅，不過佢都係北京住過，同北京人冇咩分別。都幾開心嘅，一休息我哋都有得傾。

今日終於攞到宿舍嘅鎖匙啦~~去睇咗，雖然啲嘢唔係好新，不過覺得好舒服。可能以後要係個度住好幾年添~~~不過等搬咗入去之後，就冇得上咁多網啦，個度嘅網係限流量嘅，慳得就要慳。不過都幾好嘅，以後就可以好好哋學下德文，而且而家每個月都要考試，如果pass唔到，都唔可以繼續讀落去~~~諗諗下都幾擔心嘅......希望可以係1月底順利噉pass嗰B2嘅結業考試，噉就唔使成日提心吊膽啦！！

努力努力！！！

上次係semesteroeffnung上搵到我個教授，之後就開始上課。第一次上完，佢就同我講，佢12月會搞個學生concert，叫我準備兩首paganini喎。返到嚟我就開始練，準備咗一首新嘅，一首係之前練過嘅，諗住慳啲時間。點知上個星期五去咗之後，佢同我講，佢希望啲學生唔好拉重複嘅，跟著就即刻搵咗兩首畀我，一首係我考試嘅時候就準備咗嘅，另外一首我以前練都未練過。佢竟然要我係度現場試奏~~~我自己覺得一塌糊塗，佢竟然捱到完！上完之後，我同佢一齊坐車去火車站，佢住係dortmund，次次都要坐車來來去去。一路同佢傾咗一陣，佢係俄羅斯人，就得我一個中國學生，不過佢有唔少韓國學生喎~~佢仲話，個concert會係12月20號左右，而且到時一定會有唔少人嚟。>_<!搞到我都有的驚，希望到時唔會失禮佢啦......

呢排一直繼續搵屋，呢度其實條件都OK嘅，不過嗰個“大叔”真係越來越過份，竟然做到沖涼前去睇水錶，沖完再去睇，有冇再變態啲呀！！總之覺得住係呢度好唔舒服，坐監都好過呢度！！！

不過呢排都有開心嘅事嘅。而家我每日都4、5點醒，跟著坐7點嘅車去學校，8點就係學校練琴，真嘅好勁呀~~係琴房練琴特別好feel~~~差唔多一日係學校練2個鐘，練完心情都特別好，唔知點解。可能係諗起係北京嘅日子，因為都好似。係北京有時都會去學校練琴，當時好多朋友，各段時間都係特別開心嘅~~~好想返北京，去搵啲朋友玩下~~~希望B2嘅證書早啲攞到囉，噉我出年就可以早啲返去！！！！繼續努力！！！

呢排心情真嘅唔係幾好，因為同屋嘅嗰個“大叔”。當時睇屋嘅時候，帶我睇屋嘅孫大哥話，呢個人好麻煩，最好唔好同佢做朋友，當時冇諗咁多，但係同佢住咗半個月之後，我就覺得孫大哥講得好啱呀~~~呢個大叔鬼死麻煩，兼且自私到死，咩都要斤斤計較，同佢講親啲嘢，佢都係諗住自己先。原本以為以前嗰個同屋就已經夠自私，冇諗到竟然遇到一個更加自私嘅~~唔知係唔係我前世欠咗佢哋嘅。

前兩日幫同學係duesseldorf搵咗間極好嘅屋，250全包，帶埋傢俬，仲咩到唔使理，如果唔係幫佢搵嘅，我自己就即刻搬入去啦~~間屋好乾淨，位置仲勁好，屋主係個珠海人，同佢傾偈都覺得佢人幾好~~睇來呢點都係命呀~~~希望我都可以早啲搵到間新屋啦！！！

前一排一直忙緊搵屋，八月嘅時候成日坐火車黎dusseldorf睇屋，啲錢好似流水噉~~好心痛。最後係duisburg，離dusseldorf坐廿分鐘火車嘅一個城市搵到一間屋，同另外兩個中國人一齊住。

上個星期搬咗入屋，住咗入來先發覺呢間屋好多嘢未搞掂，好鬼麻煩！！而且另外兩個人都未搬過來，就得我一個，所有嘢都係我自己去搞，諗諗下都覺得有啲唔憤氣。

尋日另外一個中國人搬咗過來，見到佢覺得佢都麻麻哋，有啲唔係好好嘅感覺。睇來呢度我都係唔會著得好耐嘅~~~過一排又要開始重新搵屋！！

其實由前幾年開始就冇咗咩生日嘅感覺。不過點講都係第一次要自己度過嘅生日，仲係有啲掛住屋企人~~~但係媽咪話，佢唔幫我慶祝喎，話要等到我陰曆生日先。都係嘅，我廿年嚟都係過嘅陰曆生日。

前兩日去咗duesseldorf搵屋，行咗成兩日，睇咗幾個地方，唔係太貴，就係條件唔好，總之就係冇搵到啱嘅，除咗一個apartment，條件都幾好，仲有咗陽台添，唔包電273，加埋電費網費一個月要300多。雖然我自己有啲鍾意，但係個hausameister竟然話如果我唔租2年嘅話就唔係好想租畀我。最後都係無定。

呢次去，除咗學校啲材料問題解決咗，其它咩都冇搞掂，而且仲搞到自己張銀行卡畀吞咗添~~~星期一要去攞啲錢，點知張卡唔知點解就畀吞咗。第二日去櫃檯度，佢check咗好耐，先同我講，我張卡已經壞咗，要等三日，佢send張新卡畀我......

今朝早1點幾返到luebeck，對腳幾乎跛咗，連續行咗兩日路，唔跛都奇喇~~~瞓到7點幾就醒咗，matthias見到我同我講咗生日快樂，其實真係一啲生日嘅感覺都冇。後尾佢同梁講咗，梁話要叫jk姐過來食飯喎。唔係好想搞，不過後來佢都係叫咗佢過來。

星期六又要再過去搵屋，希望早啲搵到喇，如果唔係啲路費都好貴呀~~~

今日同佢仲有佢嘅一個朋友將我間房由頭到尾油咗一次，9點就開始，12點半先搞掂，不過已經畀我想像嘅要快咗喇。油完佢話，要等8個鐘先得，我點等得咁耐啫，同佢話，6個鐘差唔多喇！佢話，都得，6點就幫我將啲嘢搬番入我間房。

聽日要去duesseldorf搵房，呢幾日打咗電話聯絡咗幾個，不過好多都已經租咗出去。希望星期二返黎嘅時候能夠帶個好消息返黎啦......

9點半左右開始執嘢。住咗咁耐，第一次去keller，好多蜘蛛網同埋我最憎嘅蜘蛛！！佢清咗好多嘢出來，聽佢講先知，個keller已經最少有2年未清理過。2年幾冇執，點解我話要搬走你就要執，當我免費勞工呀?!將啲垃圾執咗出來之後，將啲電器之類嘅攞去1km外嘅回收站，走咗三次！跟著又將啲紙箱攞去街上嘅垃圾箱，又行咗三次！等到全部搞掂，已經一點喇~~~

唔知點解，今日越諗越覺得唔憤，點解之前個中國女生走嘅時候咩都唔使做，連間屋都冇執。但係而家我要走就咩都要做，除咗幫佢執keller，我仲要去買油漆嚟油牆。唔通我前世欠咗佢嘅咩??同媽咪視像嘅時候話畀佢聽，佢話，無解啦，一個人係出邊，忍得就忍下啦，如果啲油漆唔係好貴就算數，如果貴得濟就同matthias商量下。唉~~同佢商量，我直頭想即刻搬走，咩都唔理佢呀！！！

食完晚飯練咗半個嚟鐘琴，唔知點解，心情唔好就想練琴！跟著去超市買水，順便去車站買咗火車票，不過係由duesseldorf返黎呢度嘅票。星期日用wochenendekarte就好，嗰個係最平嘅，都冇搵到29€嘅票。諗到學校嘅嘢就好煩，啲材料都唔知點解佢哋未收到，好驚要我返去重新辦過，咁好晒時間唔講，我仲驚會過咗報到嘅時間，咁就慘喇！仲有個邊嘅房，噚日有搵到一個中國人要租屋，佢話今日會打畀我，但係等到而家都冇打來，聽日要打過去問下先。千祈唔好話畀人租咗，咁我隨時會死架，而家剩番一個星期，真嘅好煩......

12點畀小韓叫過去幫佢搬嘢，搬到UNI個邊一個朋友度。點知搬完個天就開始落雨，而且仲好大添~~等咗好耐，等到雨唔係好大我哋先返黎。好激氣嘅係，等我哋返到市中心嘅時候，雨停咗不但止，而且仲出咗好大嘅太陽！！

返到屋企沖咗個涼，見到matthias同佢講咗我要搬嘅事。我諗住話，我先交咗8月成個月嘅租金，跟著佢搵個人由8月15號接手，如果搵到嘅話，佢退番半個月嘅租金畀我，佢話冇問題喎~~~

到咗夜晚，佢又搵我，問我幾時得閒。佢要同我一齊去買啲油漆返黎，跟著要我將我間屋嘅牆油漆一次。而且啲錢仲要我畀喎！！之前個人走嘅時候咩都冇搞，間屋就咁好亂留畀我，而家我要搬就要我將牆油一次，諗諗覺得好過份，好勞氣！！不過冇解，真嘅唔想臨走前仲同佢哋搞到關係唔好。呢幾日真係有得忙！！

下晝係網上搵到一個中國人，佢都要係duesseldorf租屋。佢話聽日會同屋主簽約，咁我下個星期就可以過去睇，如果啱嘅話就可以定咗~~一個月應該會係300€左右。晏啲又係網上睇到另外一個租房嘅，打過去佢話間房仲未租出去，要我下個星期如果過咗去再打電話畀佢約時間去睇房。個邊住嘅地方終於有咗啲眉目~~希望跟著都一切順利！！

返到嚟超激動~~恨咗咁耐，終於算係有啲結果喇！！

不過睇真啲，入面好多嘢我都唔係好明，打畀JK姐，約咗今晚去佢度，佢幫我睇下。

下晝係網上同媽咪視像講咗呢個消息畀佢知，佢勁開心！！而且即刻打電話畀啲舅父同埋阿姨佢哋，佢哋到好開心。其實恨咗咁耐，就係想見到媽咪開心啫~~我仲叫佢聽日要買啲嘢去酬神添。呢排真嘅覺得呢點嘢好有用嘅~~

晏啲去咗JK姐度，佢幫我睇哂啲信，發覺又有大把嘢要愁。上次已經寄咗畢業證書同埋APS過去喇，但係呢次有問我要，而且仲有個咩bachelor嘅嘢，連JK姐都唔知係咩。聽日同學校聯絡下先。不過最麻煩嘅仲係B2嘅證書，唔知點算，唉~~~

返黎係網上睇咗duesseldorf嘅房，都好貴，200幾300€一個月。睇來個度嘅消費真係高到冇得頂！！

聽日先去攪掂嘅visum先，希望一切順利喇~~~

今日寫咗封e-mail畀duesseldorf同埋mannheim嘅學校，問考試結果嘅。不過今日佢哋冇返工，要等到聽日先有回信。好期望，期望呢兩個學校嘅回信。但係亦都好擔心，好驚，我驚等到嘅唔係我想要嘅結果呀......今日有啲提心吊膽。

呢幾日都幾奔波嘅。先去咗duesseldorf一日，跟著去mannheim住咗5日，跟著又返到duesseldorf住咗2日。原本冇諗住出去咁耐，但係duesseldorf嘅專業過咗，要14、15號再去考其它嘅嘢，所以就有多住咗幾日。不過好彩，係duesseldorf識咗一個北京嚟嘅朋友，係mannheim嘅幾日好彩有佢，如果唔係真唔知上個星期日點過。

duesseldorf嘅專業考試唔知點解，入去就好緊張，連手都震埋，不過最後竟然過咗，而且仲有個pro.要咗我。視唱好簡單，樂理唔知點樣，因為好多嘢唔係好明，而且國內學嘅同呢度仲有啲唔同。鋼琴考得都ok。而家就希望有位置畀我囉！！

mannheim嘅考試麻麻哋，覺得同上次相比，有好有差。專業嘅音樂表現得多咗，但係paganini拉得唔係幾好，其它都ok。

今日返黎就有大把嘢做，幫小韓辦咗visum嘅嘢，走咗3次，最後都算搞掂咗。仲係好眼瞓~

入咗去覺得，入邊好凍呀，因為入邊開咗冷氣。mozart拉得都算OK，有做音樂，不過有一個takt左手唔知點解冇跟上，乾脆就混咗過去。bach應該算最正常嘅啩，冇咩毛病，應該都冇咩特色啩?!paganini拉得唔係幾好，自己覺得冇上次考試好......視奏唔係冇難，前幾行仲講得過去，後面嘅就有啲~~~

今日考鋼琴同埋樂理。

鋼琴依然唔係幾好，之前明明練得好好哋，但係入去見到琴鍵個腦就一片空白！！斷咗幾次。樂理視唱可能係考過一次嘅關係，覺得唔係好難，定係話呢排我嘅樂理視唱有進步??

下晝考完我就同北京個朋友一齊去行街。啱啱好有嗰pop嘅比賽，成條街都係人，我哋都去睇咗下。跟著就去mcdonald's度買啲嘢食，坐咗個嚟鐘，後來又去超市買咗啲水，因為聽日超市唔開門。返到DJH去佢間屋傾偈，佢間屋就得佢一個，超勁。傾咗成個鐘我就返房喇。

講嚟都奇怪，今次考試識咗好多人，而且都係我自己一個出嚟嘅時候識嘅！聽日都唔知點過，到處都唔開門......後日去duesseldorf，希望一齊順利！

八點三未到就到咗學校，琴房有開，而且冇咩人。霸咗嗰琴房就開始練。9:22嘅時候有個中國人話就要考試喎，唔就畀咗間琴房佢練先，過咗一陣返去，發覺又有另外一個中國人係入面，佢11點半考試喎，算數，畀佢繼續練，我繼續去踩馬路。

講來又幾奇怪喎，食早餐嘅時候就開始落雨，等我到咗學校就開始落暴雨，但係等到我要去踩馬路嘅時候就停咗喎~~~呢幾日因為落雨嘅關係，我對鞋都有陣發霉嘅味，麻煩！

11點半返去，終於冇人喇。繼續練，專業同鋼琴一齊練。等到快2點嘅時候，實在唔想練，就將琴放返旅社，跟著繼續去行街。不過係5點幾個陣行過學校前面，撞到前幾日係duesseldorf識嘅個北京女仔，而且佢同我住一間旅社添。睇來呢幾日有伴啦，唔使驚悶！