今日已經係夏令時嘅第二日喇，噉朝早等到五點先上床瞓，到十點半醒嘅。好似冇咩感覺，好奇怪，瞓咗同冇瞓冇乜分別~~~

醒咗之後發現，個天好好，日頭幾大嘅。有排冇見到噉嘅天氣喇~~~今日就去咗銀行過咗下個月嘅屋租俾Matthias，同埋幫同學將佢女朋友嘅證明寄咗返去。不過個天真嘅好得濟，搞到心情都好咗好多~~~可能因為夏令時嘅原因，個天到咗7點都仲好光，點都唔覺得已經7點幾，有小小嘅唔慣。今晚同屋嗰個中國人請咗佢studio嘅一個德國朋友嚟食飯，本來佢諗住叫埋我，但係我真嘅唔想同佢一齊食，就推咗佢。趁著佢哋出去買嘢，我炒咗啲飯返間屋食。食完啱啱好佢哋買完嘢返嚟。我就繼續返嚟玩game，由得佢哋三個(個中國人、佢朋友同埋同屋嗰個德國人)係隔離嘅廚房想點就點~~~呢排係個game度識咗啲friend，覺得開心過現實嘅生活，大家三唔識七到可以玩埋一齊，而且好夾得埋。真嘅好奇怪，網絡究竟令到人陌生咗呢，定係令人變到更加容易相信人呢???

晏晝同老豆視頻傾咗陣計，見到屋企隻貓又肥咗~~~不過佢話我呢排瘦咗，睇嚟要開始食多啲嘢喇~~~呢兩個星期都冇食lunch，一日就食兩餐。過兩日家姐返汕頭嘅話，就要同媽咪視頻，唔可以俾佢睇出我瘦咗!!!而且要開始早啲瞓~~~下個星期考慮搵個pro.上課喇!!!

今日晏晝，有個朋友打電話俾我，話有啲嘢想叫我過去幫手。去咗佢個度，見到佢哋兩個仲有另外一個朋友係度貼緊牆紙喎~~~佢哋兩個呢幾日要搬去其它城市度，所以間屋要退咗，但係因為之前一直係屋入面食煙，搞到啲牆紙都黃哂，為咗唔俾個屋主扣佢哋嘅kaution，唯有自己貼啲新嘅。講真啦，之前完全冇諗過貼牆紙有噉麻煩，要先量好啲長短，而且要好精確，1cm都唔可以多。而且貼嗰陣要好小心，舉到隻手好酸。由晏晝一直搞到凌晨2點幾，中間去間越南人開嘅中餐館食嘢休息咗個來鐘。搞到最後都幾有成就感嘅~~~而且個效果睇嚟到幾ok，應該話好perfect喇。返到嚟都已經過咗三點半，唔知點解一啲到唔眼瞓喎。所以到而家到冇瞓。

唔記得咗添，家陣已經係開始用夏時制，今日去佢哋度先諗起。而且今日到已經3月29號喇，錯過咗我嘅周年紀念添，其實冇咩重要嘅，只不過舊年嘅3月27號係我第一次嚟到呢個國家，想小小噉紀念下啫~~~

有兩日冇嚟寫嘢囉~~~呢兩日成個人都冇咩動力，不過即管噉，我呢兩日都做咗好多嘢！！ 

星期四本來諗住唔出街嘅，但係晏晝諗起，上次去幫同學洗啲相嘅時候個人話，最早星期四就羅得。於是乎出去咗，都算幾好彩嘅，啲相已經攞得啦。囉咗之後嗱嗱聲返嚟貼係啲報名表上，返嚟嘅時候順便去郵局買咗postmarke，一次過買咗7張1.45嘅，好貴呀~~~返嚟咗之後就即刻開始整埋啲材料，較到嗰頭都大哂。其中一個仲拆咗兩次先搞掂~~~

星期五好早就醒咗，雖然之前嗰晚好夜至瞓。好耐冇噉早醒喇~~諗翻起仲係上語言班嗰段時間。噉早醒係因為要去語言學校度幫同學嘅女朋友開張證明(真嘅有啲煩，自己女友嘅事都要我幫，前世唔知欠咗佢啲咩)。都好耐冇搾車啦，搾到學校度有小小劊喎~~~入到個office度竟然都幾順利嘅，我都仲識得講德文~~好順利就攞到張證明，跟著搾車返嚟就去咗音樂學院，先幫佢報咗名。同埋我自己都要張證明，佢哋搵咗一陣，竟然話冇搵到我報名啲嘢喎~~好彩後尾佢哋又搵到咗，唔知佢哋搞咩~~~攞到證明嗱嗱聲去ordnungsamt度延簽。個簽證官到幾好人嘅，咩都冇問，睇咗眼我張證明，跟著話要我去出面等，等咗查唔多一分鐘，佢就攞咗我啲嘢出來俾番我，仲話要加油喇~~~番到嚟連飯都冇食就搾著同學嗰7份報名嘅材料去郵局，send出去之後返到屋企已經冇晒氣力。

今日醒咗之後就即刻上網，呢幾日玩遊戲已經有小小到咗痴迷嘅地步喇，日日到online十幾個鐘，唉~~~下個星期要開始諗搵老師嘅事啦~~~

又係咁夜上來寫嘢。好似已經習慣咗咁，呢幾日到咗下晝就開始覺得眼瞓，但係到咗夜晚嘅時候就好鬼清醒。

今日成日都屈係間屋到，除咗去廁所同埋煮嘢食就冇出到去，更加唔使講去街喇~~~今日亦都冇練琴，本來晏晝有諗住練下嘅，但係後尾都係冇練到。玩咗一日嘅遊戲，仲係遊戲度識咗嘅細佬。講真喇，真嘅係第一次咁認真嘅玩個online嘅game，可能真係無嘢做，閒得濟囉!!!

今晚睇咗部香港嘅電影，叫《無野之城》，我諗係香港應該好多人知啩??其實呢部電影都已經down咗好耐，但係一直冇去睇，今晚食完飯之後，個網絡唔知點解變到好差，諗住話搵啲嘢睇下，先發覺呢部電影一直冇睇。講真喇，真嘅好耐冇睇過啲咁嘅電影喇！！真嘅可以學到好多嘢，關於夢想、生存，睇到之後諗咗啲嘢。其實我自己而家有啲好似係佢哋仲未攞到亞洲盃嘅時候，好多次嘅希望，但係最尾都凈係換來更大嘅失望，迷惘，甚至乎有時覺得迷失咗自己，唔知要點樣至好。但係無論點失望都好，過咗幾日就會自自然然噉起番身，跟著重新希望。我相信，我都會有一日可以似阿聰佢哋噉，實現自己嘅願望，雖然呢個願望暫時嚟講到唔算係我嘅夢想，或者話我暫時到未知自己嘅夢想係咩，但係唔諗，遲早有一日我會搵到嘅！！

小小嘅係度呻下，希望第日睇返呢篇blog嘅時候，可以笑著同自己講:"我已經搵到我當時想搵嘅嘢喇!!!"亦都希望大家都可以搵到自己想要嘅嘢囉~~~

今日嘅天氣好古怪~~~

朝早仲未起身嘅時候，聽到出面落緊冰雹，幾分鐘之後起身拉開個窗簾見到出面已經冇落冰雹，但係落緊雪~~~等到十點幾我出去嗰陣又見到個太陽~~~唔係呀嘛???個天噉古怪嘅???點知遲啲先知噉唔算係古怪嘅，因為到咗下晝兩點幾嘅時候，個天又開始落雪，落咗唔夠半粒鐘就又見到個太陽，就噉一下落雪一下晴。太陽雨就話見過啫，今日見識到太陽雪喇!!!

今日都係忙啲報名嘅事，先係幫同學去copy咗啲材料，尋日因為冇時間，所以冇全部copy，今日去將啲嘢全部搞哂!!!同埋我都有啲嘢要打出來，唉~~~到而家凈係copy就用咗查唔多20€(同學嘅同埋我嘅嘢一齊)，仲有要買啲信封同埋briefmarke，好煩呀~~不過今日已經搞到七七八八喇，我想報嘅學校已經都報咗，同學嘅相最早要到星期四先至攞到，聽日終於可以鬆返啖氣唞下喇~~

仲有，今晚屋企嘅網絡唔知點解好差，連game都打唔到，本來諗住話可以早啲瞓，點知又係搞到而家十二點幾，唉~~~

今日落咗差唔多一日嘅雨，朝早起身嗰陣就落咗小小嘅雨，到我十點半出去嘅時候，啲雨就已經變到好大，好彩帶咗把遮。點知行到街上先發覺，除咗雨好大之外，仲有好大嘅風，好驚把遮撐唔住。

朝早由十點半開始幫個同學去搞啲報名嘅事，先去銀行度轉咗啲報名費俾三個學校，跟著想去copy啲報名嘅材料，順便打埋啲報名表，點知行到個copyshop嘅門口先諗起，唔記得帶數據線。唯有返屋企嚟攞，跟著再去copyshop。十五分鐘搞掂啲嘢，因為學校嘅秘書處十二點就關門，而且佢哋由聽日開始唔開，要到星期四先重新開，我驚個報名遲咗。所以要係佢哋未關之前去問啲嘢。去到嗰度見到個朋友，佢冇攞遮，淋到成身濕哂。睇到佢我先發覺，其實就算我攞遮都唔用，因為我嘅身上都俾淋到濕哂，冇好過佢幾多~~~仲以為今日就可以幫同學報名，點知佢哋話，我要將啲材料重新準備，然後先至可以去報名。

跟著我就去搵fotoshop。個同學凈係留低咗一張相俾我，我仲要去幫佢洗啲相片。去到之後，fotoshop嘅人話，張相好細，要send到佢哋公司先搞得掂，而且最早都要到星期四先攞得。睇嚟我想早啲幫佢搞掂啲嘢都唔得，希望唔會遲喇~~~

返到屋企條褲都濕到一半喇~~~嗱嗱聲除低~~~講真喇，有啲後悔當初應承幫佢搞呢點嘢，因為冇諗過佢啲嘢咁麻煩。但係，唔應承都已經應承咗，唯有幫人幫到底喇~~~呢幾日因為自己報名嘅事已經搞到好大頭忽喇，今日一搞埋佢啲嘢，啊啊啊......個頭赤赤痛，日日都話要早啲瞓，點知到尾都要十二點先至瞓~~~等過咗呢排，一定要將個生物鐘轉過嚟！！