又過咗成個月，呢個月咩特別嘅嘢都冇，因為個網嘅關係，都冇搵到工，成日淨係屈係屋企，好彩後尾有個朋友畀咗個帳號我，可以係大學嘅圖書館度上上網。

前一排從同學度睇到《暹羅之戀》呢部電影，睇完真係有幾多感觸。其實好耐之前就聽過呢部戲，不過因為聽講係關於“基”嘅，就有的抵觸。不過睇完之後發覺，其實部戲真嘅冇咩特別嘅嘢，反而好鍾意入邊關於愛啲故事。除咗兩個主角之間好純潔、簡單嘅愛，仲有屋企人之間嘅親情，女主角（或者係女配角，唔知佢哋點算）對其中一個男主角充滿住奉獻嘅愛。雖然結果不盡人意，兩個人最後都係冇係咪一齊，但係我覺得，或者呢個先至係最完美嘅結果。現實始終都係殘忍嘅，只有美好嘅記憶先至有嗰種好純潔嘅感覺。

呢幾日係網上睇咗啲相關嘅消息，睇到啲關於導演係背景嘅佈置方面嘅介紹，徹底拜服於導演精細嘅心思之下。我覺得，呢部戲嘅成功，除咗歸功於兩個主角嘅演技，就係要歸功於導演嘅功力。真嘅好佩服佢！另外，因為呢部戲，我竟然迷上咗泰文，已經學咗啲啦，不過仲要繼續努力，我唔知自己會唔會中途放棄，但係我會盡量去學，趁著而家有時間，加上有興趣。

尋日有人send咗幾本電子雜誌畀我，係啲fans自己做嘅關於《暹羅之戀》嘅，入邊好多係啲fans自己寫嘅後續故事。其實，網上真係有唔少人都希望戲中嘅主角最終能夠係咪一齊。睇完之後，真係好佩服啲fans嘅能力，佢哋寫嘅嘢真嘅好感人，亦係睇咗啲雜誌之後，我承認，我已經徹徹底底嘅中咗《暹羅之戀》嘅毒。其實咁都幾好嘅，至少我仲有繼續學泰文嘅動力，唔係咩？

希望星期一個網能夠順利搞掂！仲有嘅就係，一切順利~~~

終於捱到頭啦！！今日去攞咗B2嘅結業成績，178分~~~下個星期一將份證書送去學校就無事啦！！唔知學校會唔會安排畀我去上課咧？？

其實呢個月過得真嘅好快呀~~唔知點解，上期都無feel到咁快。今次嘅課冇上次咁緊張，但係變得好複雜，啲語法鬼咁難。考試前真係一啲把握都冇，連續有一個禮拜都瞓得唔好，噚晚仲發噩夢添！搞到自己好鬼緊張~~~好彩而家過咗，成個人鬆晒！！但係今晚樓下又有PARTY~~噪到死，完全瞓唔到！早知咁，今日晏晝就瞓多陣！！

前一排屋入邊竟然發霉，就係個窗下面嘅牆角，後尾發展到床頭嘅牆都有。星期四考完之後，因為覺得自己考得好差，心情極差。跟著返黎睇到網上有人留言話最好自己將個牆漂白，費事畀hausmeister知，到時可能會好大禍。睇完呢條留言，就去超市買咗隻漂白水返黎。跟著貓係牆角擦咗成個幾鐘，終於將啲牆洗乾淨咗！點知洗完牆，廁所嘅燈就壞咗......哎~~真係衰開有條路！！

今日攞完成績，個人成個開心晒！去超市買咗件蛋糕仔返黎，就當獎勵下~~不過而家要考慮嘅係，要快啲搵份工。我戶口已經冇咩錢啦，又唔想屋企再寄錢過來喎。希望可以早日搵到啦~~~

終於都放假啦~~~成個人都relax番~~~

星期四做咗個abschluss嘅考試，呢個星期一直都好擔心。好耐冇考試啦，一啲把握都冇。做完冇咩好feel~~不過今日去攞咗成績，都OK嘅~~200分嘅試卷，我考咗170！！好開心呀...

今晚有音樂會，有幾個朋友去聽。自己覺得麻麻哋，不過佢哋都話OK~~結束咗之後仲飲咗啲香檳添！！返黎嘅時候，出面落咗好大嘅雪~~~好靚！！好有聖誕嘅氣氛~~~不過返到宿舍發現，樓下搞緊party~~好噪呀！！！今晚唔知有冇得瞓?!

呢排嘅生活好正常，日日都去上deutschkurs，下晝返黎睇下書，做啲功課。日子都幾充實嘅，心情亦都好好。不過個kurs上得好緊張，4個星期竟然要學完6課。

呢幾日一直學緊啲grammatik，有啲係以前學過嘅，所以都覺得ok。有時真係覺得啲歐洲人好蠢，好簡單嘅嘢佢哋死都唔明~~~

上個星期六同班上嘅同學去咗IKEA買嘢，買咗啲碗碟同埋duschvorhang，見到有賣仙人球嘅，一時衝動就買咗盆返黎，2.99euro，其實都幾貴嘅！返黎同媽咪講，俾佢話咗一餐......

今朝早發夢，竟然夢到返去北京。不過都幾得人驚嘅，竟然係坐錯咗機，最後將自己吓醒咗。而今日亦係呢排起得最早嘅。可能係搬到呢度，去學校行路10分鐘就到，日日都等到8點幾9點至醒。今日7點半就醒咗。不過都係遲到咗5分鐘，一直係屋入邊搞呢樣搞嗰樣。一入去就攞到張test，之前都冇講過。一啲準備都冇就測試，自己覺得做得好差，好多都係估下估下噉~~唔知能夠攞到幾多分......

下晝返黎煮咗啲面。星期六去火車站嗰度個中國超市買嘅，勁貴。食面嘅時候同屋企傾視像。老豆搵人將屋企部電腦執咗，幫佢搞埋啲手尾，搞咗個來鐘，跟著畀佢哋聽咗兩首曲。傾完就去街買啲食嘅嘢，屋企咩都冇晒~~~

買完嘢返黎都5點左右啦，抄咗陣單詞。唔知點解今晚一啲mood都冇，功課都唔想寫~~都唔知聽朝點算！！！聽日就開第六課啦~~~下個星期就要結業考試，真係好擔心，如果過唔到真係冇面見人~~~~

自從上次又睇咗twilight之後，深深哋畀啲音樂吸引咗~~繼而畀個故事吸引咗~~呢排成日都要聽"leave out all the rest"同埋"Flightless bird American Mouth"好多次，聽完就鬼噉激動~~仲有"Bella's Lullaby"，真嘅好好聽，我仲係網上搵到份譜，一定要將佢練好！！呢排一聽到twilight或者new moon就鬼死噉激動，都唔知點收科......上幾個星期聽同學話去睇咗new moon，而且係英文嘅，真嘅好想去，雖然我嘅英文已經唔記得七七八八啦~~但係都好想睇，而且係去電影院睇喎。不過飛好貴，8euro一張，唔捨得~~~後尾係車站嘅書店度又睇到twiling嘅德文版精裝DVD，要15euro；new moon嘅德文版小說，要10euro；仲有new moon嘅2010年kalender，要12euro多。真嘅好想好想買晒，但係而家仲唔得。要慳番啲錢~~~~而家真嘅好想變成vampire，今晚突發奇想，呢度都係成日落雨喎，好似呢排啦，兩個星期可能就有一兩日左右見到太陽啫，唔知呢度會唔會都有vampire哩??????痴心妄想一下~~~聽日仲要繼續努力！！聽日晏晝仲要合伴奏添~~呢兩個星期都冇咩練琴就去上課，畀着北京嘅老師，殺咗我都有份......加油~~~~

我又返黎啦~~~已經有成個月未上來寫嘢，一係懶咗，而且一玩開遊戲就冇時間做其它嘢，仲有就係前一排病咗，冇咩心機。

已經係dusseldorf上咗一個星期德文啦。覺得個語言班都算幾好嘅，雖然貴咗啲，不過係個度讀完，跟著pass咗個abschluss嘅考試就得，學校就認呢個成績，唔使另外去搵地方考試。

係班上識咗兩個中國人，一個係北京嘅，一個係寶雞嘅，不過佢都係北京住過，同北京人冇咩分別。都幾開心嘅，一休息我哋都有得傾。

今日終於攞到宿舍嘅鎖匙啦~~去睇咗，雖然啲嘢唔係好新，不過覺得好舒服。可能以後要係個度住好幾年添~~~不過等搬咗入去之後，就冇得上咁多網啦，個度嘅網係限流量嘅，慳得就要慳。不過都幾好嘅，以後就可以好好哋學下德文，而且而家每個月都要考試，如果pass唔到，都唔可以繼續讀落去~~~諗諗下都幾擔心嘅......希望可以係1月底順利噉pass嗰B2嘅結業考試，噉就唔使成日提心吊膽啦！！

努力努力！！！

又有十幾日冇上來寫嘢。

上次係semesteroeffnung上搵到我個教授，之後就開始上課。第一次上完，佢就同我講，佢12月會搞個學生concert，叫我準備兩首paganini喎。返到嚟我就開始練，準備咗一首新嘅，一首係之前練過嘅，諗住慳啲時間。點知上個星期五去咗之後，佢同我講，佢希望啲學生唔好拉重複嘅，跟著就即刻搵咗兩首畀我，一首係我考試嘅時候就準備咗嘅，另外一首我以前練都未練過。佢竟然要我係度現場試奏~~~我自己覺得一塌糊塗，佢竟然捱到完！上完之後，我同佢一齊坐車去火車站，佢住係dortmund，次次都要坐車來來去去。一路同佢傾咗一陣，佢係俄羅斯人，就得我一個中國學生，不過佢有唔少韓國學生喎~~佢仲話，個concert會係12月20號左右，而且到時一定會有唔少人嚟。>_<!搞到我都有的驚，希望到時唔會失禮佢啦......

呢排一直繼續搵屋，呢度其實條件都OK嘅，不過嗰個“大叔”真係越來越過份，竟然做到沖涼前去睇水錶，沖完再去睇，有冇再變態啲呀！！總之覺得住係呢度好唔舒服，坐監都好過呢度！！！

不過呢排都有開心嘅事嘅。而家我每日都4、5點醒，跟著坐7點嘅車去學校，8點就係學校練琴，真嘅好勁呀~~係琴房練琴特別好feel~~~差唔多一日係學校練2個鐘，練完心情都特別好，唔知點解。可能係諗起係北京嘅日子，因為都好似。係北京有時都會去學校練琴，當時好多朋友，各段時間都係特別開心嘅~~~好想返北京，去搵啲朋友玩下~~~希望B2嘅證書早啲攞到囉，噉我出年就可以早啲返去！！！！繼續努力！！！

星期二去咗學校參加咗Semestereroeffnung，冇咩特別嘅，普普通通，簡簡單單噉，不過我終於都見到我個professor啦~佢叫kramarov alexander，睇佢個樣好似幾嚴肅噉，不過同佢傾偈又覺得ok。但係我因為好激動，同佢講嘢講到語無輪次~~~

呢排心情真嘅唔係幾好，因為同屋嘅嗰個“大叔”。當時睇屋嘅時候，帶我睇屋嘅孫大哥話，呢個人好麻煩，最好唔好同佢做朋友，當時冇諗咁多，但係同佢住咗半個月之後，我就覺得孫大哥講得好啱呀~~~呢個大叔鬼死麻煩，兼且自私到死，咩都要斤斤計較，同佢講親啲嘢，佢都係諗住自己先。原本以為以前嗰個同屋就已經夠自私，冇諗到竟然遇到一個更加自私嘅~~唔知係唔係我前世欠咗佢哋嘅。

前兩日幫同學係duesseldorf搵咗間極好嘅屋，250全包，帶埋傢俬，仲咩到唔使理，如果唔係幫佢搵嘅，我自己就即刻搬入去啦~~間屋好乾淨，位置仲勁好，屋主係個珠海人，同佢傾偈都覺得佢人幾好~~睇來呢點都係命呀~~~希望我都可以早啲搵到間新屋啦！！！

終於又返咗黎，已經有成個來月冇上來寫嘢。

前一排一直忙緊搵屋，八月嘅時候成日坐火車黎dusseldorf睇屋，啲錢好似流水噉~~好心痛。最後係duisburg，離dusseldorf坐廿分鐘火車嘅一個城市搵到一間屋，同另外兩個中國人一齊住。

上個星期搬咗入屋，住咗入來先發覺呢間屋好多嘢未搞掂，好鬼麻煩！！而且另外兩個人都未搬過來，就得我一個，所有嘢都係我自己去搞，諗諗下都覺得有啲唔憤氣。

尋日另外一個中國人搬咗過來，見到佢覺得佢都麻麻哋，有啲唔係好好嘅感覺。睇來呢度我都係唔會著得好耐嘅~~~過一排又要開始重新搵屋！！

今日係我20歲嘅陽曆生日，亦都係第一次冇同屋企人一齊嘅生日。

其實由前幾年開始就冇咗咩生日嘅感覺。不過點講都係第一次要自己度過嘅生日，仲係有啲掛住屋企人~~~但係媽咪話，佢唔幫我慶祝喎，話要等到我陰曆生日先。都係嘅，我廿年嚟都係過嘅陰曆生日。

前兩日去咗duesseldorf搵屋，行咗成兩日，睇咗幾個地方，唔係太貴，就係條件唔好，總之就係冇搵到啱嘅，除咗一個apartment，條件都幾好，仲有咗陽台添，唔包電273，加埋電費網費一個月要300多。雖然我自己有啲鍾意，但係個hausameister竟然話如果我唔租2年嘅話就唔係好想租畀我。最後都係無定。

呢次去，除咗學校啲材料問題解決咗，其它咩都冇搞掂，而且仲搞到自己張銀行卡畀吞咗添~~~星期一要去攞啲錢，點知張卡唔知點解就畀吞咗。第二日去櫃檯度，佢check咗好耐，先同我講，我張卡已經壞咗，要等三日，佢send張新卡畀我......

今朝早1點幾返到luebeck，對腳幾乎跛咗，連續行咗兩日路，唔跛都奇喇~~~瞓到7點幾就醒咗，matthias見到我同我講咗生日快樂，其實真係一啲生日嘅感覺都冇。後尾佢同梁講咗，梁話要叫jk姐過來食飯喎。唔係好想搞，不過後來佢都係叫咗佢過來。

星期六又要再過去搵屋，希望早啲搵到喇，如果唔係啲路費都好貴呀~~~

噚日同matthias去買咗油牆嘅油漆，都唔算太貴，全部嘢用咗26€。

今日同佢仲有佢嘅一個朋友將我間房由頭到尾油咗一次，9點就開始，12點半先搞掂，不過已經畀我想像嘅要快咗喇。油完佢話，要等8個鐘先得，我點等得咁耐啫，同佢話，6個鐘差唔多喇！佢話，都得，6點就幫我將啲嘢搬番入我間房。

聽日要去duesseldorf搵房，呢幾日打咗電話聯絡咗幾個，不過好多都已經租咗出去。希望星期二返黎嘅時候能夠帶個好消息返黎啦......